7.30 AM
5 minutes. Lintek na dikya - yan ang sabi ni Ronnel habang naghihintay ako sa McDonald’s Philcoa. Sabi ko kasi galing pa akong Cotabato. Sumasagwan pa daw siya. Heck natuwa ako. Akala ko ako ang hihintayin, yun pala ako ang maghihintay. At least on track pa rin ang lakad.
7.35 AM
"San ba ang punta nyo?" "Sa Puerto Galera ho…" Ang mausisang drayber ng taxi, humirit agad. Eto pa ang mga sumunod na usapan:
"May titirhan na ba kayo doon?" Sabi ng aming bibong drayber.
"Meron ho" Sabi naman namin.
"Kayong dalawa lang? Anong gagawin nyo dun? MAG-EESPADAHAN?" hahahah asteeg na drayber.Hindi na namin pinigil ang sarili namin. Tumawa na kami.
"May mga kasama ho kami… Dalawa hong kuwarto ang kinuha namin."
"Ah, akala ko kayong dalawa lang eh.. Tig-isa pa kayo ng kuwarto no? Para hindi halata, sa umaga bukod kayo, pag gabi, yung isa pupunta na lang sa kabila" Halakhak na ito. Da best na simula pa-Galera, isang bibong drayber. Panalo!
"Buti na lang at may kuwarto na kayo, kundi mahihirapan kayong maghanap dyan"
"Onga ho eh."
Hindi ko na matandaan ang mga sumunod na usapan. Pero isa lang ang napag-agrihan namin ni Ronnel - Ano kaya isama natin si manong sa Galera? Lasingin natin! hehehe. Panalo talaga!
7.50 AM
Tritran, Jam, wateber. Basta andito na kami sa terminal ng bus pa-Batangas. Aba! Nauna si Hottie. himala! Wala pa si Grays at Gerry (combo yun, hindi pwedeng mawala ang isa), At siyempre, ang dahilan kung bakit kami alas-otso aalis, wala pa rin. si…
Markito.
"Hindi daw sasama si Gherette." Hirit ni Ronnel
"Bakeeet????" Tanong ko. Sabi nya kasi Martial law si gherette, hindi pwedeng hindi sumama. Sa puntong ito, hindi ko na ulet matandaan ang sinagot nya. Bibitinin ko na lang kayo… (Naapektuhan ata ng Hottie’s Hollow Block ang memorya ko. More on Hottie’s Hollow Block later)
8.10 AM
Maya-maya pa, may dumadating na isang lalaki at isang babae, may dala-dalang backpack at plastic bag. "Ayan na sila Grays."
Buti naman. Isa na lang… Isa na lang.. Asan ka na bang hinayupak na Markito ka…
8.15 AM
Maya-maya dumagundong. Yumanig ang lupa. Huminto ang mga bus sa Edsa, dahilan upang maraming umangal at nagreklamo. Gumalaw ng isang piye ang flyover sa may timog. Akala nga namin bubuka ang lupa at lalabas si… Okerampa sa Maskman… Yun pala padating lang si Markito. Presto! andito na ang dahilan kung bakit nde kami nakaalis ng alas-singko ng madaling araw…
Syempre nakadefault pose ito. Ang ngiting medyo nakanganga. Basta, yun na yun. At may dala rin syang plastic bag. Lahat ata kami merong dala… Pwera si Hottie, ala namang pakelam yun eh hehehhe…
"Bakit… Ba’t"
"Dala ko buong bahay namin ba’t ka ba" Bungad ni Markito. Siyempre tawa. Sisimulan na namin ang pang-aalaska..
"Anlaki ng dala mo ah. Ano ba laman nyan?"
"Oy may dala akong life-vest dito sa bag ko kaya malaki"
"HAHHAHAHAHAHAHAHAHHAHA… Baket?"
"Eh malay mo…" Panalo! Iba nga naman pag handa ka heheheh
"Halika na! Sakay na tayo!"
8.30 AM.. and counting
Isa-isa ng sumakay ang geeks (aanim, bow) sa bus. pares-pares. Kami ni Ronnel, sa likod ang dalawang Marco, at sa pangatlo ang magBF/GF. Maya-maya pa’y lumakad na ang bus. Siyempre, EDSA, alas-otso, o di ba, sagap namin ang trapik…
Nagsimula ng magmarathon si Markito heheh… parang batang nakainom ng growee.. ang bibo… kwento ng kwento…
… Tulog na nga si Hottie tuloy pa rin si Markito sa pagdaldal… Si Bunsoy, lumalaki na! heheh Kausap nya kasi si Gerry, about call center life.. Si Grays ewan ko, tinext pa nga ako eh, sabi kasabay daw namin si Sir Pros sa bus. nyahahah onga Grays! Hawig!
10.00 AM
Highway. Linsyak, kareresign lang ata ng drayber namin from Paz or International. Ambagal eh! Lintek! ganitong oras nasa daan pa kami. at ok sa olrayt, dahil trapik sa SLEX. ang saya di ba? Nababagot na nga ako eh.. gusto ko na maligo! Gusto ko ng…
Aba, aba, si manong drayber eexit na sa interchange! Aba! may alam sigurong ruta ito kaya mageexit ng maaga hanep pala si Man…ay Syet! nag-U Turn lang pala si Manong. Pasaway! Ginawang U-turn slot ang exit (hindi ko na matandaan kung sang exit un eh. pasensya, tao lang!)
10:30 AM
Santo Tomassss… Batangaasss….. Haaay, animo’y ang Puerto Galera’y isang pangarap na ang hirap abutin… Dinaan na lang namin ang pagkabagot sa biruan at kantyawan (at panloloko kay Markito dahil as of this time, kwento pa rin sya ng kwento)
Maraming nagbababa-sakay sa Bus. Nice.
11:00 AM (?)
STAR…Tollway. At least papasok na kami ng Star Tollway… Sabi ni Ronnel mga alas-dose hanggang ala-una eh andun na kami, though sinabi nya na hindi na daw kami abot sa pang-umagang biyahe. So sabi ko sa sarili ko, ok lang basta makalublob lang sa Puerto Galera! Haaayy… may tatlo-apat na taon din sigurong pagitan ang pagbalik ko sa Galera. at least hindi na ito educational trip, pwede nako magpakalasheng at magpakaluwa ang mga mata sa mga babae dun heheh (peace tayo hon!) Haay… sana mga bago man lang maghapon eh….
"O bakit bumabagal?"
"Aba malay ko." ani Ronnel
"Aba, at hihinto… Ay lintek, Magsi-CR pa ata si Manong"
At dun naputol ang aking pagninilay… Mabagal na nga si Manong eh nagCR pa! Gusto ko na ngang ako na magmaneho habang umiihi si manong eh. baka sakaling bumilis ng paghabol sakin…
(ITUTULOY)
