"Dahil sa planner…" Ito ang madalas kong sinasabi sa mga officemates ko, sa mga kaibigan at sa pamilya ko kung bakit ako laging umiinom sa Starbucks. Dahil lang talaga sa planner. Period.
Iba rin kasi talaga ang tingin sayo pag pumapasok ka sa Starbucks at paglabas mo eh may hawak ka ng - kundi pulang paper cup - eh plastic na cup na may nakalagay na ‘Butete’ sa harap. Sosyal ang dating mo. Kasi ba naman, sino ang nahihibang na bumili ng isang basong kape na overpriced. But then again, meron taong nahihibang talaga sa estado ng Starbucks, at meron din dahil lang sa planner…
Correct me if I’m wrong. Nabasa ko kasi sa ‘Bakit baligtad magbasa ng libro ang mga Pilipino’ ni Bob Ong na merong ‘Starbucks Principle’ ang mga Pilipino. I won’t delve into details ng principle na into. Instead, bumili na lang kayo ng aklat ni Bob Ong para maliwanagan kayo at mag enjoy pa kayo.
Bakit nga ba ganoon di ba? Parang napakaprofound naman ng effect ng isang basong kape… Except of course na masyadong mahal ito for a coffee. Hindi naman kasi sa lasa at sa ganda ng tissue paper nasusukat yan eh. Sa brand na Starbucks. Starbucks=big bucks. You’re willing to put a hefty amount of cash in just one cup of coffee. Siyempre, pag kaya mong mag-Starbucks, eh di kakabit na nun ang kakayahan mong bumili ng mga mamahaling bagay. Hence, the profound effect.
Bakit ko ba sinulat to? Wala lang. Kasi for me, kape lang talaga sya. Hindi sa nagmamalinis ako, or nagbubuhat ako ng sarili kong furniture set. In fact minsan naiisip ko rin na ‘Naks, ang angas ko heheh, may dala akong Choco Cream Chip Frap na Grande.’ Pero kasi sa akin, hindi mo naman kinakailangang taasan ang kilay at ilong mo paglabas mo ng Starbucks. Hindi naman dapat ginagamit ang kape para makilala at tumaas ang antas mo sa society. Isa lang yan kape. Period.
Kaya ako, ang tinitignan ko na lang dyan kaya ako bumibili ng kape at kinukumpleto ang 21 stickers eh dahil sa planner. Dahil after ko makuha ang planner, eh titigil na rin ang butete sa pagbili ng mamahalin na kape.
© Starbucks Coffee Company. All Rights Reserved.
